Павлодарда өткен аймақтық «Инновациялар, шығармашылық, тәжірибе» семинарында білім беру мәселелері талқыланды

Павлодарда өткен аймақтық «Инновациялар, шығармашылық, тәжірибе» семинарында нәтижеге бағытталған бағдарлы оқыту, көптілді білім алу және тиімді менеджмент мәселелері талқыланды, деп хабарлады білім басқармасынан.

Оған облыстық және Семей (ШҚО) қаласының мектеп ұстаздары қатысты.

Павлодар қаласының оқытушылары ҰБТ-ға дайындалу тәжірибесі және балалардың жазғы демалысын ұйымдастыру туралы әңгімеледі. № 9 гимназияның, № 16 мектеп-лицейдің, Жұмыспен қамту және балалар шығармашылығы орталығының басшылары өз тәжірибелерімен бөлісті.

Семинар нәтижесі бойынша Павлодар және Семей мектептерінің өзара ынтымақтастығы туралы меморандумға қол қойылды.

inform.kz