Қазақстанды «қара тізімнен» білікті мамандар құтқарады

Еліміздің азаматтық авиация саласы Халықаралық азаматтық авиация ұйымының (ИКАО) ескертулерінен соң қатарындағы білікті қызметкерлердің қатарын көбейтуді қолға алды. Азаматтық авиация комитетінің штаты 54-тен 65 қызметкерге дейін көбейді.

Бұл туралы ҚР Көлік және коммуникация ми­нистрлігінің баспасөз қызметі хабар­лай­ды. Азаматтық авиация саласына жаңадан қа­былданатын қызметкерлердің 40-ы – ұшу қауіпсіздігі жөніндегі мемлекеттік инс­пектор. Авиация әкімшілігінің штаттық са­ны­ның аз, ал мамандар біліктілігінің төмен болуы Қазақстанды Еуроодақтың «қара ті­зіміне» енгізген бірден-бір жайт еді. Са­лаға білікті мамандарды тарту үшін Мем­ле­кет басшысының Жарлығымен са­ла мекемелерінде орташа жалақы көлемі де көбейтілді. Бірақ жұмысқа қабыл­да­натын қызметкерлерге қойылар талап кү­шейіп отыр. Шілденің 1-інде мемлекеттік қыз­меткерлерді жұмысқа  қабылдау конкурсы өткізіліп, нәтижесінде жеті маман қыз­метке қабылданды.

Жұмысқа қабылданған барлық қыз­мет­кердің осы саладағы тәжірибесі 15-20 жыл­дың шамасында. Олар ұшақпен 14 мың сағат ұшып көрген. Сондай-ақ бұ­лар­дың қатарында аэронавигация дис­пет­чер­лері, ұшуларға метеорологиялық қызмет көр­сету инженерлері бар. Дені ұшу жа­рам­дылығына дайындау бойынша Еу­ро­па­лық авиация стандарттарының оқу курстарынан өтіп, тиісті сертификатқа ие болған, ағылшын тілін еркін меңгерген. ҚР Азаматтық авиация комитеті жақын уа­қыт­та  мемлекеттік инспектор қыз­мет­кер­лерінің бос тұрған 11 вакансиясына кезекті конкурс жариялайды.

alashainasy.kz