Әрбір оқушы мектепке қысылмай баруы керек

ҚР Білім және ғылым ми­нистр­лігі жұртшылықты «Мек­тепке жол» жалпыреспуб­лика­лық қайырымдылық акциясына қатысуға шақырады. Шара тамыздың 1-інде басталады.

Жыл сайын киім-кешек пен оқу құралы жа­­ғынан мектепке баруға қиналатын тұрмы­сы төмен отбасы балалары көп. Қайырымды­лық шарасы сондай шаңырақтарға қолдан келгенше көмек көрсетуді көздейді. Білім және ғылым министрлігі қоғам мүшелерін жаңа оқу жылын көппен бірге бастай алмай қалатын балалар мәселесіне бейжай қара­мау­ға шақы­рады. Министрліктің мәліметінше, «Мектепке жол» акциясы осымен бесінші жыл өткелі отыр. Осы уақытқа дейін елімізде 1 миллион­нан астам оқушы қайырымды азаматтардан жалпы құны 6 млрд 400 млн теңге болатын материалдық жәрдемге ие болған. Шараға, негізінен, мемлекеттік ор­ган­дар, ірі ком­паниялар мен акционерлер бел­сен­ді қатыс­қан. Жалпыреспубликалық қа­йы­рымдылық акциясы қыркүйектің 30-ына дейін жалғасады.

alashainasy.kz