ҚазҰУ қалашығында «Кангнам Северанс» клиникасы ашылмақ

Қазақстанның оқу орнына арнайы кел­ген оңтүстіккореялық делегация ісса­пар­­лары барысында «Кангнам Северанс» клиникасы медико-диагностикалық ор­та­лығының ашылуы туралы мемо­ран­дум­ға ҚазҰУ ректоры, академик Ғалым Мұ­танов пен «Кангнам Северанс» кли­ни­ка­сы ди­ректорының орынбасары Ким Сонг Мун қол қойды.

Орталық өз жұмысын жаңа оқу жы­лын­да бастайды. «Кангнам Северанс» кли­ни­ка­сы орталықты 750 млн теңге көлемінде қаржыландырып, медициналық құрал-жаб­дықтармен және әлемдік стандарт сапасына сай қызмет көрсетуді қамтамасыз етеді. Ол кампус аумағында құрылысы жүріп жатқан студенттерге қызмет көрсету орталығында орналасады.

«Оқытушылар мен студенттер заманауи жоғарғы технологиялық құрал-жабдық­тар­мен медициналық көмек ала алады. Орталықта толық диагностиканы өткен соң, қажет болған жағдайда Оңтүстік Корея­ның «Кангнам Северанс» клини­ка­сын­да жеңілдікпен емделе алады. Соны­мен қатар Ёнсе университеті ҚазҰУ-дың медико-биологиялық кластеріне маман даярлау бағдарламасына атсалысады», – деді кездесу барысында «Кангнам Севе­ранс» клиникасы директорының орын­ба­сары Ким Сонг Мун.

2011 жылы тамыз айында Корея Рес­пуб­ликасының Президенті Ли Мен Бактың Қазақ­станға арнайы іссапарында Қазақ­стан және Корея Республикаларының ден­саулық сақтау министрлері ҚазҰУ-да ме­ди­­ко-биологиялық кластер құру ме­­морандумына қол қойды. Диаг­нос­ти­ка­лық орталық осы жоба аясында ашы­лады. Бұл жоба биология және био­тех­но­ло­гия факультеті базасында іске асырылып, биомедицина бағытын дамыту болмақ.

«Халық денсаулығы және денсаулық сақтаудың жай-күйі – еліміздің әлеуметтік-экономикалық даму кезеңінің көрсеткіші болып табылатын маңызды факторлардың бірі. Елбасы «Қазақстан-2050» стра­те­гия­сында университеттерге тиімді инно­ва­ция­лық инфрақұрылым жасау, ғылымға инвес­тиция тарту, өмірге инновациялық ғы­лыми-зерттеулердің нәтижесін ендіру міндеттерін қойған болатын. ҚазҰУ-да медико-биологиялық кластерді құру білім жаңалықтары мен технологиялық жетіс­тіктерді шоғырландыруға, ғылыми-зерттеу жұмыстарын жасап, тәжірибеге енгізуге жол ашады», – дейді ҚазҰУ ректоры Ғалым Мұтанов.

ҚазҰУ қалашығында 55 мың шаршы метр­ді құрайтын заманауи аурухана, ғы­лы­ми-зерттеу зертханасы, қажетті ин­фра­құ­рылымы бар медициналық орталық салынады. Бұл жобаны қаржыландыруға 22,8 млрд теңге шетелдік инвестиция тар­ты­лады. Бүгінде жоба-сметасының құ­жат­та­малары, құрылыс жұмыстарын 3 жыл көлемінде аяқталады деп күтілуде.

Жобаның іске асуына Сеул ұлттық уни­вер­ситеті, Ёнсе (Оңтүстік Корея) уни­вер­ситеті жанындағы «Кангнам Северанс» кли­никасы, Корё университеті, Қазақстан, Оңтүстік Корея, Гонконг және Сингапурдың инженерлік-жобалық, құрылыстық және қаржылық компаниялар тартылуда.

«Кангнам Северанс» клиникасы – 130 жыл бұрын құрылған, бұл елдегі батыстық үлгідегі бірінші медициналық мекеме, заманауи корейлік медицинаның дамуына негіз болған. Клиника барлық меди­ци­на­лық қызмет түрлерінен көмек көрсетеді. Ал табыстың бір бөлігі халықтың әлеуметтік дең­гейі төмен бөлігінің емделуіне жұмса­латын болады.

alashainasy.kz