Колледж түлектері қорықпағаны жөн!

Алматыдағы Ұлттық баспасөз клубында БАҚ өкілдерімен кездескен Қазақстан жоғары оқу орындары қауымдастығының төрағасы Рахман Алшанов осылай деп мәлімдеді.

Рахман Алшанұлының пікірінше, Ғылым және бі­лім министрлігінен алынған статистикалық мәліметтер бойынша соңғы жылдары колледждерді бітірген 148,8 мың қыз-жігіттің 100 мың­нан астамы жоғары оқу орын­дарына еш қиын­дық­сыз қабылданған көрінеді. Ал бұл өз кезегінде кейбір жасөспірімдердің колледжді жоғары оқу орнына еш қиындықсыз түсудің жолы ретінде таңдап келгендігін айқындай түсті. Мұның себебі, күні бүгінге дейін кол­ледж бітушілер өзі қа­лаған кез келген жоғары оқу орнына әңгімелесу (собе­седование) арқылы оқуға қабылданып, 2 немесе 3-курс­тан оқуын жалғас­ты­руға мүмкіндік алып келген болатын. Ал Ғылым және білім министрлігінің соңғы шешіміне сәйкес бұдан былайғы жерде колледж түлектері мейлі қызыл дип­лом иегері болсын жоғары оқу орнына түсу үшін мін­детті түрде Ұлттық бірыңғай тестілеуге (ҰБТ) қатысып, нақты білім деңгейін анықтайтын болды. Ғылым және білім министрлігінің дәл осы шешімі еліміздің колледж студенттері ара­сында едәуір дүрбелең туғы­зып, олар мұның дұрыс емес­тігін айтып, өз ойларын ар­найы баспасөз мәслихат­тарында ортаға салған-ды. Колледж студенттерін ма­залаған осы мәселе бойынша кеше журналистермен кездескен Жоғары оқу орындары қауымдастығы­ның басшысы Рахман Ал­шанов нақты жауап берді.
- Еліміздің білім және ғылым саласында бұрын соң­ды болып көрмеген ір­гелі жаңа жобалар жүзеге асырылуда. Атап айтқанда, 2011-2020 жылдарға ар­налған мемлекеттік білім беру бағдарламасының қабылдануы осы игі істің бір көрінісі. Осы бағдарламаны жүзеге асыру мақсатында ғылым және білім беру са­ласына қойылатын талаптар да анағұрлым күйшейтілді. Мысалы, Білім және ғылым министрлігінің үстіміздегі жылдан бастап жоғары оқу орнына түсуге ниет білдірген колледж бітірушілердің міндетті түрде бірыңғай ұлт­тық тест тапсыруы жөніндегі шешімі де білім берудің сапасын жақсарту мақса­тынан туындаған іс-шара. Оның үстіне жұмыс беруші компаниялар өздеріне жұ­мысқа келетін жоғары бі­лімді жас мамандардың ма­мандығы бойынша білімінің талапқа сай болуын талап етуде. Әрине, біз колледж студенттерінің қобалжуын түсінеміз. Бұл орайда мен мынаны айтқым келеді. Бұ­рынғы жылдармен салыс­тыр­ғанда елімізде мектеп бітірушілер арасында Алтын белгі иегерлерінің саны әдеттегіден де арта түсті. Ал сол Алтын белгі иегерлерінің арасында жоғары оқу орнына қабылдау тесті ке­зін­де қажетті балды жинай алмағандар да көптеп кез­десті. Мұны қалай түсінуге болады? Әрине, бұл көз­бояушылықтың әсері екен­дігі даусыз. Олай болса, кол­ледж бітірушілер Ұлт­тық бірыңғай тест тап­сырудан қорықпауы керек. Өйткені білімді жас өзінің білім деңгейінің жоғары екендігін әр уақытта да дәлелдей алады. Бұл - дәлелдеуді қажет етпейтін ақиқат, - деп Жоғары оқу орындары қауымдас­ты­ғының төрағасы Рахман Алшанов өз ойын ортаға салды.

Жомарт МОЛДАХМЕТҰЛЫ