Асхат Сәлімұлы ҚҰТТЫҚТАЙМЫЗ!

Құрметті Асхат Сәлімұлы!

Қазақстан жоғары оқу орындарының қауымдастығы Сізді М. Өтемісов атындағы Батыс-Қазақстан мемлекеттікуниверситетінің ректоры болып тағайындалуыңызбен шын жүректен құттықтайды.

Республикамыздағы іргелі оқу-білім ордасына басшы болып тағайындалуыңыз біліктілік пен жемісті еңбегіңіздің нәтижесі деп білеміз. Университет ұжымы Сіздің басшылығыңызбен түрлі белестерді бағындырып және үлкен жетістіктерге жететініне айрықша сенімдіміз.

Ұстаздық ету – халыққа қызмет ету, өте абыройлы іс. Осы тұрғыдан өзіңізге шығармашылық табыс тілейміз, университет үлкен беделге ие болып, істеген істеріңіз әрқашанда биіктен көріне берсін.

Денсаулығыңыз зор, отбасыңыз аман болсын.